Езерото Салда неодамна ја доби титулата Турски Малдиви и се смета за идеална дестинација за луѓето кои сакаат да „избегнат од жешкото лето“, а во исто време да уживаат во лековитата кал и уникатен пејзаж.
На оваа локација можно е да се најдат и „живи фосили“ познати како строматолити, кои даваат увид во еволутивната историја на планетата. Овие фосили се и некои од првите физички докази за постоењето на живот.
Имено, строматолитите даваат индиции за тоа како би можела да изгледа Земјата пред неколку милијарди години кога се формирале овие фосили. Строматолитите најчесто се наоѓаат во близина на езера со висока соленост, но во сето ова Турција има најголемо наоѓалиште на живи фосили од слатководни води.
Исто така, турски и американски научници кои ги истражувале бреговите на езерото Салда откриле седименти формирани од микроби, а експертите на НАСА се приклучиле на ова истражување.
View this post on Instagram
Научниците на НАСА открија дека карпите и наоѓалиштата на минерали што ги проучувале на брегот на езерото Салда личат на она што може да се најде на Марс.
Иако езерото Салда се нарекува и Турски Малдиви, ова вулканско езеро не доживува високи температури. Езерото Салда се наоѓа на надморска височина од 1.160 метри, па затоа е идеално прибежиште за сите луѓе кои сакаат да „избегнат од жешкото лето“.
Поради лековитата кал посета на ова езеро се препорачува за лица со дерматолошки заболувања, но и за сите оние кои сакаат да уживаат во уникатната глетка на езерото, кое според научниците изгледа „како да е од друга планета“.