Не е сè до изгледот. Всушност, овие три особини ќе го претворат просечниот маж во женски идеал и маж од соништата. Тајната е во енергијата, се согласуваат експертите и овие карактеристики.
Тој е самоуверен, а не арогантен
Жените сакаат самоуверени мажи. Одат со кренати глави и со позитивен став влегуваат во секоја соба. Тие не се однесуваат како да ја поседуваат собата и сите во неа. Напротив, тие се однесуваат како да ги познаваат сите луѓе во собата – подготвени се да разговараат, да се запознаат, да се дружат, па дури и да водат интелектуални разговори.
Истражувањата покажуваат дека мажите кои се држат исправени и самоуверени се подоминантни и попривлечни за спротивниот пол, а со тоа имаат и поголем успех во љубовта. Од друга страна, оние кои низ животот минуваат со стуткан грб и несигурен израз на лицето, имаат сосема спротивен ефект врз женскиот пол.
Нема краток фитиљ
Жените обожаваат зрели мажи кои носат одговорни одлуки и мирно и грациозно се соочуваат со сите животни неволји. Зрелиот маж нема краток фитил. Всушност, тие ќе размислат пред да кажат или направат нешто. Тој е трпелив, знае што сака и како да ги постигне своите цели.
Знае да слуша
Истражувањата покажаа дека мажите доминираат во 75 отсто од разговорите за донесување одлуки, без разлика дали се работи за деловна или приватна средина. Дури и кога жените се покомпетентни и подобро знаат одредена тема, тие често се замолчувани.
Затоа, не е изненадување што мажот кој знае да слуша е привлечен маж. Тој не чувствува потреба за објаснување или толкување. Тој нема потреба да ги решава женските проблеми или да ги наметнува своите ставови. Знае да слуша што му кажува другата страна.