Легендарниот режисер Мартин Скорсезе, познат по низата успешни филмови како „Таксист“ и „Улици на злото“, еднаш откри дека е разочаран од неговиот мјузикл од 1977 година, Њујорк, Њујорк. Тој го режираше овој филм веднаш по огромниот успех на Таксист, кој му ја донесе Златната палма во Кан, што ги подигна очекувањата на критиката и публиката на високо ниво.
Њујорк, Њујорк беше изненадувачки избор на жанр за Скорсезе, познат по неговите мрачни криминални драми. Заплетот ги следеше Роберт Де Ниро и Лајза Минели во улогите на саксофонист и пејачка чија врска се распаѓа поради проблеми во кариерата.
Овој мјузикл со елементи на романтична комедија наиде на различни критики од критичарите и релативно слаб одзив на публиката, со заработка од само 16,4 милиони долари со буџет од 9 милиони долари.
Како што пишува Far Out, Скорсезе искрено ги признал за Вашингтон пост причините за експериментирање со овој филм: “Сакав да пробам поинаков пристап кон работата, каде што за прв пат не беше сè однапред одредено во мојата глава. Сакав да ги тестирам моите граници и да видам до каде можам да одам”.
Сепак, резултатот не го задоволи режисерот, кој подоцна призна: “Не бев задоволен од филмот Њујорк, Њујорк. Има некои убави работи, но можеше да биде подобро ако имав поголема дисциплина во тоа време”.
Разочарувањето од неуспехот на овој филм беше толку силно што Скорсезе западна во сериозна лична криза, борејќи се со зависноста и разводот, што за малку ќе го принудело да ја напушти филмската кариера. За среќа, неговото повторно здружување со Роберт Де Ниро во „Разјарениот бик“ го врати на врвот на филмската индустрија и му донесе уште една номинација за Оскар.