Сопствениците на посвоеното маче Марти споделија видео од неговата прва средба со снегот пред три дена, кое брзо стана вирално.
Краткиот клип го прикажува мачорот Марти како ентузијастички скока во снегот што паднал на балконот, оставајќи симпатични отпечатоци од шепи. Неговиот сопственик напиша во описот на видеото: „Марти го сака снегот повеќе од мене“.
Марти живее со своите сопственици во канадската покраина Квебек. Во друго видео, тие открија дека Марти е пронајден на паркинг, каде што се криел под автомобил. Во слободното време, тој сака да ги брка нозете на своите сопственици и да гледа хокеј.
Снимка од првата средба на Марти со снегот собра 4,5 милиони прегледи и над две илјади коментари. „Тој е толку сладок“, „Отпечатоците од шепите му изгледаат како од филм на Дизни“, „Колку слатко“, „Слатки шепи“, „Зошто мачките се толку слатки“ се само дел од коментарите.