Поранешниот фудбалер и неговата позната сопруга Викторија наскоро ќе живеат во „празна куќа“, а тој признава дека тоа воопшто не му се допаѓа.
Дејвид Бекам дал големо интервју за Men’s Health по повод 50-годишнината на магазинот, во кое многу зборувал за четирите деца што ги има со Викторија Бекам – Бруклин, Ромео, Круз и Харпер.
Тој признал дека најмногу го боли тоа што тројца од нив веќе го ‘напуштиле гнездото’, па сега само 13-годишната Харпер живее со него и неговата позната сопруга.
Бекамови наскоро со „празно гнездо“
„Се поблиску сме да останеме сами. Всушност е многу болно да се гледа. Живеевме со четири деца, а сега има само со едно“, изјавил поранешниот фудбалер, откривајќи што најмногу му недостасува:
„Што би дал да имам шанса повторно да влезам во нивната соба и да почнам да ги карам, дури и за влажните крпи на подот!
Неговите синови го канат во паб
Но, тој признава и дека е утешно да се гледаат неговите синови како растат. „Моите момчиња се навистина добри. Секогаш ме канат во паб на пијачка со пријателите“.
Познатиот пар често споделува семејни фотографии на социјалните мрежи, на кои јасно се гледа дека се уште имаат блиски односи и поминуваат многу време заедно. Неодамна заедно отишлена скијање.
„Ги обожавам нашите разговори во гондолите. Навистина уживаме. Децата не се ни блиску до мобилните телефони. Ние сме први на спустот и последни што го напуштаме“.