Многу луѓе не обрнуваат внимание на тоа како спијат, но постои една положба што дефинитивно треба да ја избегнувате, а која може да предизвика одредени последици.
Според „Бенден Хелт“, повеќето луѓе спијат на десна страна, но спиењето на лева страна е најдобро. Експертите исто така предлагаат спиење на грб со перница под колената и предупредуваат дека спиењето на стомак може да доведе до здравствени проблеми.
Д-р Шерил Литго, специјалист за спиење, предупреди дека спиењето на стомак може да го оштети ‘рбетот, зглобовите и нервите, што доведува до хронична болка во вратот и грбот. Оваа положба може да го зголеми и ризикот од респираторни проблеми поради дополнителната тежина на белите дробови и другите респираторни органи.
„Позициите за спиење што вршат прекумерен притисок врз ‘рбетот, како што е лежењето на стомак или свитканоста во фетална положба, можат да ја влошат физичката непријатност. Овие позиции често водат до неправилно порамнување на ‘рбетот и зголемен притисок врз вратот и долниот дел од грбот, што потенцијално резултира со хронична болка и нарушени навики на спиење“, рече таа.
Од друга страна, спиењето на лева страна се смета за најздраво бидејќи го подобрува варењето и циркулацијата.