Судбината на бракот најчесто се одлучува врз основа на една единствена комуникациска навика, објаснуваат психолозите.
Според експертот за брак, д-р Џон Готман, кој поминал повеќе од 40 години проучувајќи парови на Универзитетот во Вашингтон, еден фактор најсигурно предвидува дали бракот ќе преживее.
Според д-р Готман, тоа е начинот на кој паровите комуницираат во конфликт.
Готман тврди дека не е важно дали паровите се расправаат, туку како го прават тоа. Клучно е да се избегнуваат критики, презир, одбранбена положба и игнорирање. Презирот е особено деструктивен, бидејќи го уништува меѓусебното почитување и емпатијата.
Паровите кои покажуваат меѓусебно почитување дури и кога се соочуваат со несогласување имаат многу поголеми шанси да останат заедно.
Психологот, д-р Џули Шварт Готман, истакнува дека браковите пропаѓаат поради недостаток на емоционална сигурност и почит. Добрите бракови негуваат „микро-моменти на поврзаност“, односно мали гестови на поддршка кои се акумулираат преку длабока поврзаност.
Во време кога бракот често се идеализира или отфрла премногу брзо, ова сознание го враќа фокусот на она што е клучно на долг рок, а тоа е здрава комуникација и секојдневно емоционално внимание.