Ако често имате затнат нос, особено кога сезоната на настинки и алергии веќе е во тек, капките за нос може да изгледаат како брз лек. Во многу случаи, тие се – се додека ги користите правилно. Ако премногу долго се потпирате на назален спреј, може да си направите повеќе штета отколку добро.
На пазарот има неколку видови на назални спрејови. Сите тие го третираат истиот проблем, но се користат за различни причини.
„Постојат неколку категории на назални спрејови, но најчесто се користат спрејови на база на стероиди за алергии или долготрајна употреба и брзо-дејствувачки назални деконгестиви“, вели отоларингологот и ларинголог д-р. Омид Медизаде за Huffpost, пренесува City Magazine.
Назалните спрејови базирани на стероиди помагаат да се намали воспалението и слузта во носот што предизвикува конгестија.
„Деконгестивните назални спрејови делуваат така што ги стегаат крвните садови во носот“, вели др. Дарија Лонг Гилспи, лекар за итна медицина. Ова доведува до помал проток на крв во носното ткиво, а со тоа и помал оток и конгестија.
Може ли да се развие зависност?
Постои и теорија за назалните спрејови дека ако ги користите предолго, може да станете зависни, што ќе резултира со почеста назална конгестија.
„Многумина не знаат кои назални спрејови го зголемуваат ризикот од повторна конгестија и кои се безбедни за долготрајна употреба. Деконгестивните назални спрејови особено го зголемуваат ризикот од повторлива назална конгестија бидејќи ги стеснуваат крвните садови и ткивата“, објасни отоларингологот Медизаде.
Ако ги користите овие лекови постојано, веднаш штом престанете да ги користите, ткивото во вашиот нос станува зависно од хемикалиите. Ова предизвикува повратна конгестија, што може да биде уште полошо од почетниот оток.
Но, кога користењето назални деконгестиви за ослободување од настинка или грип се смета за предолго?
„Не користете назални деконгестиви повеќе од три дена“, рече др. Гилспи, бидејќи може да се соочите со повратен тек. Ако ги користите секојдневно повеќе од три дена, недели или месеци, може да ја оштетите слузницата на носната шуплина, вклучително и разредување на ткивото, што може да доведе до ринитис.