Истражувањата покажаа дека само 30% од пушачите успеваат да издржат два дена без цигара.
Без стручна помош, од прв пат успеваат да го откажат пушењето само три проценти. Половина сепак успеваат во намерата, но од петти или седми обид, во рок од пет до десет години.
Постојат билки кои помагаат во процесот на ослободување од зависноста од никотин.
Кантарион
Цветот на кантарионот содржи хиперфорин и хиперицин, кои делуваат на невротрансмитерите, хемиски гласници кои пренесуваат сигнали меѓу нервните клетки.
Некои истражувања покажале дека кантарионот влијае на серотонинот, невротрансмитер кој влијае на расположението. Очигледно, никотинот ослободува серотонин и при намалено внесување, количината на серотонин се намалува, што предизвикува депресија. Во тестирањето на животни, по редовно давање на кантарион, нивото на серотонин се вратило во нормала.
Овес
Овесните зрна и стебленца исто така ги намалуваат симптомите на анксиозност, депресија и несоница. Едно истражување смета дека овесот може да му помогне на пушачот да го намали бројот на испушени цигари. Овесот може да се подготви како храна, чај или билна тинктура приготвена со алкохол за да се зачуваат вредностите на оваа житарка подолго време.
Женшен
Традиционалните лекари советуваат употреба на уште едно растение. Женшенот може да го намали нивото на стрес и го олеснува откажувањето на цигарите. Азиските лекари веќе долго време припишуваат женшенот за подобрување на здравјето, воопшто против стрес и анксиозност.
Каранфилче
Во Азија, каранфилчето е многу популарно и се смета за моќно средство. Во една студија за лековити билки објавена во 2005 година во „Американскиот журнал за кинеска медицина“merican било заклучено дека пиењето чај од екстракт од каранфилче помага да се елиминираат несаканите ефекти од апстиненцијата од никотин. Високото ниво на антиоксидантна активност во каранфилчето ја забрзува способноста на црниот дроб да ги разградува елементите на никотинот и да ги елиминира од крвотокот, со што се намалуваат ефектите од никотинската апстиненција.
Акупунктура
Акупунктурата како алтернативен пристап за откажување од цигарите е сè почест метод кој дава добри резултати. Пред сè ја намалува желбата и ги ублажува симптомите на апстиненција, како што се раздразливост, напнатост и тешкотии при концентрирањето.
Овошје и зеленчук
За време на периодот на откажување од цигарите, јадете повеќе свежо овошје и зеленчук за да ја неутрализирате и исчистите крвта од никотинската киселина, а и да го стабилизирате нивото на шеќер во крвта. За тоа особено придонесуваат морковите, целерот, зелената салата и другиот зелен зеленчук. Еден од советите е секогаш кога ќе помислите на цигара да се напиете чаша вода.