Последната недела февруари одлучи да не почести со студени денови и да не потсети дека зимата е сè уште тука, но со оглед на фактот дека се ближиме до крајот на февруари, можеме безбедно да почнеме да сонуваме за пролет.
Ни претстои преодна сезона, во која нашата гардероба ќе се промени доста, особено нашите обувки. Зимските чизми до глужд ќе ги замениме со посветли чевли, а денес ви ги претставуваме моделите кои треба да бидат најголем хит.
1. Мокасини
Во пролет, мокасините и балерините традиционално водат вечна битка за популарност, а доколку сакате да бидете во склад со трендовите, дадете предност на мокасините оваа сезона. Уживавме во балерини во последните сезони, од класични модели до варијанти на Мери Џејн со ремчиња. Сега е време мокасините повторно да се покажат во полн сјај, како еден од најсестраните модели на обувки за преодниот период.
2. Сензуален slingback
Моделите со отворени потпетици и затворени прсти исто така не се ништо ново во пролетната сезона, но досега најмногу носевме модели со умерени блок штикли, кои беа и најзастапени во понудата на различни брендови. Во новата сезона на моделите slingback прво добиваат потенка, а потоа значително повисока потпетица, со што стануваат посензуални.
3. Патики во ретро стил
Ако ви здодеаа модерните предимензионирани модели, имаме добри вести – патиките се враќаат во сосема поинакво руво. Оваа сезона ќе доминираат поедноставни модели во ретро стил, класични патики кои можеби со својот дизајн не ги поместуваат границите на модата, но сепак се многу носливи и практични.
4. Платформи
Колку понеобично, толку подобро. Платформите се вратија и немаат намера да заминат наскоро. Ги има на сите форми на обувки, од класични пумпи до патики и мокасини.
5. Чевли со декорација
Ова е тренд кој ќе ги воодушеви љубителите на необични и ефективни модели на обувки. Ако сакате чевли украсени со впечатливи апликации, дојдовте на вистинското место. Не можете да погрешите кога станува збор за украси бидејќи сè оди – нитни, обрачи, бисери, циркони, цветни апликации…
