Поранешниот сопруг на Бритни Спирс, Сем Асгари ја потврди новата врска со Брук Ирвин објавувајќи романтична фотографија на Инстаграм.
Актерот сподели неколку фотографии со Брук набргу откако се појавија гласини за нивната врска. Заедно со сликите, Сем на своите следбеници им ја честиташе Новата година.
На една од објавените фотографии Сем и Брук позираат во прегратка, а на друга се во костими за капење, опуштени лежат под палма.
Парот сподели и моменти од ноќното излегување, координирајќи модни комбинации во иста боја.
Обожавателите брзо реагираа, испраќајќи честитки и поддршка: „Заслужувате здрава и среќна љубов“, „Среќна Нова година и честитки за новите почетоци“, „Убава е“ беа само дел од коментарите. Честитки и поддршка му испрати и неговата сестра Меди.
View this post on Instagram
Сем ја официјализираше новата врска само осум месеци откако се разведе од Бритни Спирс, со која беше во брак нешто повеќе од една година. Сем и Бритни почнаа да се забавуваат во 2016 година, откако се сретнаа на снимањето на спотот за песната „Slumber Party“.
Пет години подоцна, Сем ја запроси Бритни и се венчаа во јуни 2022 година. Сепак, нивниот брак не траеше и тие официјално се разведоа во мај 2024 година.