Контролирањето на гладот е еден од најголемите предизвици за време на диетата. Често се случува чувството на глад да стане толку силно што луѓето ја губат мотивацијата и се откажуваат од своите цели.
Иако гладот е природен феномен, особено кога ја намалуваме телесната тежина или сме на диета долго време, постојат начини ефикасно да го контролирате. Подолу ви донесуваме практични совети кои ќе ви помогнат полесно да ја издржите диетата и да го задржите фокусот на вашата цел.
Важно е да знаете како да правите разлика помеѓу различните видови глад: механички, нервен и метаболички. Механичкиот глад се јавува кога желудникот е празен, нервниот е поврзан со емоционална состојба, додека метаболичкиот глад се јавува поради ненадејни скокови на шеќерот во крвта. Подолу ќе се фокусираме на контролирањето на механичкиот глад, што е најчестиот предизвик за време на диетата.
Еве неколку совети кои можат да ви помогнат:
Црно кафе – Кофеинот во црното кафе делува како супресор на апетитот и може да ви даде дополнителна енергија и фокус, особено пред тренинг.
Зголемете го внесот на протеини – Протеините ве одржуваат сити подолго време, па затоа е корисно да им дадете приоритет во вашите оброци.
Зеленчук и влакна – Храната богата со растителни влакна и обемна, како зеленчукот, ви помага да се чувствувате сити, а воедно да имате малку калории.
Јаболка – Овој овошен сојузник е богат со растителни влакна и малку калории, што го прави одличен избор за намалување на гладот.
Поголеми, поретки оброци – Наместо да јадете повеќе мали оброци, обидете се да јадете три поголеми оброци и една ужина. На крајот од денот, дефицитот на калории е клучен за губење на тежината, а овој пристап може да помогне во намалувањето на гладот.