Совршен посен намаз за секој ден – цвеклото и белиот грав во комбинација со тајни состојки создаваат кремаст деликатес за леб, крекери или тортиљи.
Деновите на постот не значат откажување од вкусот и креативноста во кујната. Напротив, тие се можност да пробате богати, хранливо вредни комбинации кои задоволуваат и штедат енергија.
Овој намаз комбинира цвекло, кое обезбедува природна сладост и антиоксиданси, со бел грав, богат со протеини и влакна. Со малку маслиново масло, сок од лимон и билки, добивате кремаст, ароматичен намаз идеален за посен тањир.
Состојки:
300 г варено цвекло,
1 чаша варено бело гравче,
1-2 чешниња лук,
2-3 лажици маслиново масло,
1 лажица сок од лимон,
Сол и бибер по вкус,
Свеж магдонос или копар за декорација и арома;
Подготовка:
Излупете го цвеклото и исечете го на коцки. Ставете го белиот грав и цвеклото во блендер или процесор за храна.
Додадете го лукот, маслиновото масло, сокот од лимон, солта и биберот. Блендирајте додека не добиете мазна смеса. Додадете таан или сусам за побогата текстура, доколку сакате.
На крај, додадете го сечканиот магдонос или копар.
Намазот е одличен со интегрален леб, тост, крекери, а може да се користи и како додаток во салати или како фил во тортиљи. Може да се чува во фрижидер 2-3 дена во затворен сад.