Мандарините се омилено цитрусно овошје за многу луѓе, а исто така се богати со витамин Ц, влакна и антиоксиданси.
Со нивниот сладок вкус и сочност, тешко е да им се одолее, но претераното консумирање мандарини може да предизвика негативни здравствени последици. Имено, како што советуваат стручњаците, доволни се една до две мандарини за да се искористат сите благодети од оваа храна, а прекумерното консумирање може да доведе до проблеми со варењето.
Мандарините содржат голема количина на влакна, а кога се консумираат во големи количини, може да доведат до надуеност и дијареа. Дополнително, поради нивната киселост, консумирањето премногу мандарини може да го иритира желудникот, особено кај луѓето кои имаат стомачни проблеми.
За луѓето кои се борат со вишокот килограми или имаат проблеми со висок крвен притисок, прекумерното консумирање мандарини може да има уште понегативни последици. Имено, мандарините се нискокалорични, но нивната сладост доаѓа од природните шеќери, а премногу овошје може да го зголеми внесот на калории и шеќер, што може да ја отежне контролата на тежината и да го зголеми ризикот од дијабетес.
Во сето ова, клучот е умереноста. Мандарините се одличен извор на витамин Ц и обезбедуваат бројни здравствени придобивки, но умереното уживање во нив е најдобриот начин за одржување на урамнотежена исхрана.