Пржените кришки се идеални за појадок, а ќе служат и како одлична вечера или ужина. Сепак, иако се многу вкусни, имаат еден недостаток – впиваат многу масло при пржењето.
Но, и за ова има решение – да ги подготвите во рерна. Вака приготвени нема да впијат ни капка масло, а вкусот ќе биде одличен како кога се подготвуваат на традиционален начин.
Состојки:
10 парчиња бајат леб
3 јајца
1 дл млеко
прстофат сол
прстофат шеќер
Подготовка:
Јајцата се матат со млеко и се додаваат сол и шеќер. Секоја кришка леб убаво натопете ја со смесата, па наредете ја во плех обложен со хартија за печење.
Ако лебот е потежок и постар, натопените кришки оставете ги да седат пет минути, па ставете ги во рерна да се печат.
Печете ги во загреана рерна на 180 степени околу 15 минути или додека не поруменат.