Со неколку едноставни трикови, некои намирници можат да останат свежи многу подолго отколку што мислите. Еден од нив се лимоните – овошје кое често се расипува пред да можеме да го употребиме.
Ако не користите лимони секој ден, но сакате да ги имате при рака во свежа состојба неколку недели, постои едноставен трик кој се покажа како многу ефикасен. Решението е – складирање на лимони во вода, во фрижидер.
Едноставно ставете ги лимоните во стаклен сад исполнет со вода, а потоа ставете го во фрижидер. На овој начин, лимоните ја задржуваат својата свежина многу подолго отколку кога се оставени на собна температура.
Лимоните конзервирани со овој метод можат да останат свежи до три месеци.
Овој метод е практичен за домаќинства кои купуваат овошје во поголеми количини, но сакаат да избегнат фрлање храна. Наместо да дозволите лимоните да се расипат, едноставно складирајте ги во вода и продолжете го нивниот рок на траење без дополнителна обработка.