Британскиот актер и комичар Рики Џервејс доби ѕвезда на Холивудската патека на славните во петокот, објави Би-Би-Си.
Џервејс рече дека неговиот успех е мешавина од „среќа, упорност и малку туркање против струјата“.
„Конечно, ѕвезда која дава саркастичен коментар секој пат кога некој ќе помине покрај неа… Секогаш знаев дека ни треба комичен допир на нашиот познат тротоар“, рече продуцентката на „Патеката на славните“, Ана Мартинез.
Џервејс е познат по создавањето и глумењето во комедијата на Би-Би-Си „The Office“ и, неодамна, комичната драма на Нетфликс „After Life“.
Неговата ѕвезда е 2.813-та по ред на Патеката на славните во Лос Анџелес.