Ромео Бекам е во Милано за време на познатата модна недела, а како што старее, се’ повеќе го мешаат со неговиот славен татко.
Синот на познатиот фудбалер Дејвид Бекам, Ромео, се’ повеќе е предмет на медиумско внимание поради изгледот и љубовниот живот.
Младиот Бекам (22) моментално ужива во љубовта со Ким Турнбул, но сепак, последните денови е во центарот на вниманието главно поради својот изглед.
Неодамна ги воодушеви сите за време на фотосесијата за едно списание, кога сите се согласија дека Ромео дефинитивно е копија на Дејвид.
И сега, додека шеташе низ улиците на Милано, можеби поради неговата фризура, која е идентична со онаа што ја имаше Дејвид на негова возраст, а можеби и поради неговиот специфичен стајлинг и секако физичкиот изглед, повеќето минувачи збунето го гледаа Ромео, не верувајќи колку многу личи на татка си.