По доделувањето на SAG наградите во Лос Анџелес, Селена Гомез доби многу коментари на социјалните мрежи за нејзиниот изглед.
Имено, пејачката и актерка се појавила во припиен темносин фустан на Селин со отворени раменици, кој ја истакнал нејзината многу послаба фигура. Поради ова, многу корисници на социјалните мрежи се запрашаа што се крие зад нејзината промена.
Со оглед на тоа што со години се бореше со килограмите поради здравствени проблеми, многу обожаватели го пофалија нејзиниот изглед, додека некои се посомневаа дека користи популарен и контроверзен лек за слабеење.
„Оземпик и пластичната хирургија ѝ ја спасуваат кариерата“, „Што се случи со нејзиното тело“, „Драматично слабеење“, „Многу се промени“, беа само дел од коментарите.
su kızı gecen sene kilo aldı diye zorbalamıslardı gordugunuz gibi kilo alınır verilir siz de evde oturup milleti konusun oh pic.twitter.com/hKdNkmF2mn
— GIGI (@cicilendin) February 24, 2025
Инаку, Селена пред неколку години призна дека нејзината болест предизвикува флуктуации на тежината. Во таа прилика, таа објасни дека лековите што ги зема за лекување на лупус (болест што се јавува кога имунолошкиот систем на вашето тело ги напаѓа сопствените ткива и органи) може да предизвикаат редовни промени во нејзината тежина.
„Кога го земам лекот, имам тенденција да задржам многу водена тежина, а потоа кога ќе престанам, некако губам тежина“, рече еднаш Селена.
Потсетуваме, Селена Гомез заедно со екипата на серијата „Only Murders in the Building“ ја добија наградата за најдобра хумористична серија на SAG Awards.