Естонскиот рапер Томи Кеш ќе ја претставува својата земја на годинашниот Избор за песна на Евровизија со песната „Espresso Macchiato“.
Тој веќе го привлече вниманието на евровизиските фанови со својата интересна појава, а сега многумина го коментираат и текстот на песната.
„Животот можеби ќе ти даде лимон кога танцуваш со демоните. Нема стрес, нема стрес, нема потреба да бидеш депресивен. Моја љубов, моја љубов, еспресо макијато, макијато, макијато“, гласи текстот на песната.
Томи Кеш на почетокот од настапот позира со шолја кафе, а потоа изведува интересен танц во кој се „витка“, додека на неговото сако е залепено ливче на кое пишува: „Ја сакам Евровизија“.
Тој доби бројни коментари на социјалните мрежи, а главното мнение е дека песната е „полно погодок за Евровизија“.
„Томи ќе победи на Евровизија, да не биде дека не сум ви кажал“, „Ова е генијално“, „Песната е толку луда, што е брилијантна“, „12 поени!“, се дел од реакциите на фановите на Јутјуб.
Некои го споредија со Холанѓанецот Јост Клајн, кој минатата година ги освои симпатиите на публиката со песната „Europapa“, но беше дисквалификуван пред финалето, што предизвика гнев кај фановите. Интересно е што раперот пред три недели објави фотографии со Клајн, на кои позираат во огромни одела, а во описот напиша: „Обединети преку музиката“.