„Добриот секс не е шоу, ниту филм. Нема потреба да си создавате таков притисок“ – вели сексологот Миранда Кристоферс. Кои се знаците дека имате лош сексуален живот и како да се подобрите?
Сексологот Миранда Кристоферс, има своја клиника за советување во Англија и им помага на луѓето што сметаат дека не ги поседуваат неопходните вештини во сексот.
Таа вели дека навистина е проблематично кога некој не верува дека е добар во сексот, затоа што тоа може да доведе до анксиозност за време на сексот, наместо интимниот чин да биде безгрижен и отворен и да се чувствувате безбедно и добро.
Таа за Daily Mail ги споделува шесте знаци што може да укажат дека не сте доволно добри во сексот.
Кои се тие знаци и како да се подобрите?
Можете да имате секс само со изгасени светла
Ова е знак дека немате доволно самодоверба и не се чувствувате добро во сопственото тело, па заради тоа наместо да бидете спонтани, вие сте постојано вкочанети.
Можеби инсистирате да имате секс со изгасени светла или под прекривка, па само на тој начин успевате да се фокусирате на она што ви се допаѓа и прави да се чувствувате добро.
Според Миранда, добро би било да запалите свеќи и да пуштите тивка музика за да се чувствувате посамоуверено.
„Тоа што знаете дека партнерот сака да има секс со вас може да ви ја поткрене самодовербата и искористете ја нивната страст“ – вели таа.
Среде интимниот чин, ви текнало дека сте заборавиле да ја пуштите машината за перење
Според сексологот, сосема е разбирливо да бидете личност која не може да ужива во сексот ако целата куќа не ви е средена.
Па затоа најдобро би било да ги завршите сите обврски што може да ви го одвлечат вниманието среде интимниот чин.
„Сексот е добар кога сме опуштени, возбудени и внесени. Добриот секс исто така, значи и да бидете поврзани со партнерот: да се изгубите себеси во задоволството, да не размислувате ниту за следниот чекор и да уживате во ‘танцот’ со партнерот.
Ако забележите дека ја губите концентрацијата среде секс, почнете да си мислите: ‘Ќе останам фокусиран/а само на тоа што го чувствувам со телото’“ – порачува сексологот.
Се срамите да зборувате за секс
Ако се срамите да разговарате за сексот со партнерот или да му поставите прашање, никогаш нема да знаете со сигурност што е тоа што му се допаѓа, или што сака.
„Можеби вие сакате секс набрзина, а партнерот сака задоволството да трае. Сте разговарале ли за тоа? Често ми се случува ова да го забележам кај партнерите со долгогодишни врски.
Луѓето на почетокот се отворени и разговараат за сѐ, а потоа само продолжуваат да ја следат веќе утврдената рутина во сексот.
Сѐ станува предвидливо, здодевно, не е тоа што сакате да биде. Иако зборувањето може да ви изгледа чудно и потребно е да бидете внимателни и тактични, сепак е мошне важно“ – вели таа.
Не сакате да пробате ништо ново во сексот
Може да ви се случи со сите партнери да ги повторувате истите движења што му биле забавни и возбудливи на претходниот партнер и да верувате дека точно знаете што правите и што е она што ги излудува сите партнери подеднакво.
Но, според Миранда, треба да знаете дека сексот со секој нов партнер е нова приказна.
„Почнувате од почеток и учите заедно. Ова може да важи и ако сте во брак со партнерот со години.
Со текот на годините се менуваат телата, а се менуваат и желбите. Секогаш можете да очекувате да се развива чувствителноста кај партнерот и начинот на којшто сакаат да го допрете“ – потенцира сексологот.
Партнерот речиси никогаш не е заинтересиран за секс
Често се случува некои луѓе да гледаат на сексот како на должност што мора да ја исполнат за да не го вознемират партнерот.
Затоа може да се случи самодовербата драстично да ви опадне, ако вие сте тие што постојано треба да го наговорите партнерот да бидете интимни.
„Потребно е и двајцата партнери подеднакво да го сакаат сексот. Постојат голем број причини зошто нивото на возбуда ви се разликува.
Можеби вие преферирате утрински секс, а вашиот партнер преферира интимниот чин да се случува навечер… Затоа неопходно е да разговарате на оваа тема и да најдете нешто што ви одговара и на двајцата.
Ако претходно сте се расправале и се чувствувате под стрес, можно е партнерот да не сакал во тој момент да бидете интимни. Обидете се на ова да не гледате како на отфрлање.
Исто така добро би било да откриете што е она што прави партнерот да се чувствува повозбудено (забавна вечер заедно, без чувство на задолжителен секс) вашите либида може да станат еднакви“ – порачува сексологот.
Се срамите дека нема да бидете добри во сексот
Добриот секс не е шоу, ниту филм. Нема потреба да си создавате таков притисок, затоа што на најголемиот број луѓе им е потребна искрена поврзаност, интимност и забава.
Мажите често се загрижени за тоа колку долго ќе им трае ерекцијата и многу често се случува и двајцата партнери да се премногу фокусирани на задоволството на другиот.
„Наместо тоа, подобро би било да се фокусирате на физичките стимуланси што ги искусувате. Ако продолжите да осознавате што е она што му се допаѓа на партнерот, веднаш ќе бидете помалку загрижени за тоа какви сте во сексот“ – вели сексологот.