Џенифер Лопез се појави на последниот тренинг пред квалификациите за Формула 1 трката во Саудиска Арабија, пристигнувајќи во тесен розов костум со соодветни розови очила за сонце.
Комбинезонот што го носеше имитира униформа на Ф1 тркач, а парчето имаше преден и заден патент. Вклучуваше и потемно розев појас околу половината, кој се поврзуваше со сребрена кружна тока на предната страна.
Изгледот пејачката го спои со проѕирни сандали и сребрена клач чанта. Таа си ја врза косата во тесно опавче. Беше фотографирана со болидот на Ферари на Шарл Леклер и тимот.
„Додадов малку сјај во Формула 1“, напиша Џеј Ло покрај снимката од тренингот.
Нејзината фотографија беше споделена и на официјалната Фејсбук страница на Формула 1 со порака на која свиреа со текстот на нејзината песна „Waiting for tonight“: „Џеј Ло е тука. Мислите дека таа вечерва ги чека квалификациите?“.
Пејачката, по посетата на тренингот пред квалификациите, настапи на настанот во Формула 1 кој го најави Големата награда на Саудиска Арабија подоцна во текот на денот.
Покрај пејачот настапија и Usher и групата Major Lazer.
