Американскиот актер Џорџ Клуни ги заврте главите на 78. доделување на наградите Тони во Њујорк, покажувајќи ја својата природна, седа коса на црвениот тепих.
Клуни оваа година беше номиниран за својата прва награда Тони за улогата во претставата на Бродвеј „Good Night, and Good Luck“.
За улогата на новинарот Едвард Р. Мароу, која ја играше тој, Клуни претходно ја бојадиса косата за да изгледа што поблиску до ликот. Сепак, по завршувањето на шоуто, тој реши да се врати на својата природна боја, што особено ја израдува неговата сопруга Амал.
„Мојата сопруга беше најсреќната личност кога се вратив дома и го прекинав сето тоа“, рекол Клуни (64) на црвениот тепих.
Тој додаде хумористична забелешка: „Изгледав како дилер на дрога со таа лоша црна боја на коса“.
Улогата бараше одредена физичка сличност со Мароу, поради што Клуни го промени својот изглед. Амал (47) ја прифатила неговата трансформација, но сепак ѝ е драго што тој се вратил на природниот изглед. Говорејќи во шоуто на Сет Мејерс, Клуни низ смеа го коментираше својот нов изглед: „Изгледа дека поминувам низ некоја страшна средовечна криза.“
Претставата во која тој се појави влезе во историјата како прва продукција на Бродвеј чиј настап се емитуваше во живо на CNN, што Клуни го смета за значаен чекор напред.
„Среќен сум што шоуто ќе може да го види пошироката публика, не само оние што се на Бродвеј. Мислев дека би било добро ако другите можат да го гледаат дома, бесплатно“, изјави тој.
Тој беше номиниран за најдобар актер во драма за оваа улога, заедно со имиња како Кол Ескола, Џон Мајкл Хил, Хари Леникс, Даниел Деј Ким и Луис Макартни. На крајот наградата ја доби Кол Ескола.