Кога ќе дојде зимата и температурите ќе паднат, трчањето не е привлечно за многу луѓе, но експертите тврдат дека оваа активност има многу придобивки.
Имено, експертите наведуваат дека трчањето на студ е поздраво за телото отколку на топлина, а некои од придобивките вклучуваат согорување на повеќе калории и борба против сезонското афективно нарушување, попознато како зимска тага.
Иако телото се загрева при трчање, експертите сугерираат дека престојот на ниски температури може да стимулира специфична форма на термогенеза, или зголемување на метаболизмот, што се постигнува со активирање на посебно ткиво, кафеава маст или вид маснотии што е одговорна за согорување калории.
Исто така, „runner’s high“, термин што ја опишува еуфоричната состојба што ја чувствуваат тркачите по истрчање на неколку километри, се јавува поради ослободување на ендорфини и ендоканабиноиди, кои го намалуваат стресот и го промовираат чувството на среќа. Ова чувство се јавува без оглед на сезоната, а во зимските месеци може да има попозитивен ефект.
Честата изложеност на студ му помага на телото да се навикне на него, што постепено ќе го намали одговорот на телото на стрес на зимските временски услови. Кога трчате во зима, важно е да се облекувате во слоеви, бидејќи тоа го штити вашето тело, а воедно овозможува движење и дишење.
Експертите истакнуваат дека памучните маички не се најдобра опција бидејќи ја апсорбираат потта, што дополнително ќе ве разлади. Исто така е важно да носите ракавици или маица што ги покрива рацете, бидејќи студот најмногу се чувствува на екстремитетите.