Ако барате рецепт за брауни кој навистина има нешто специјално, тогаш сте на вистинското место.
Додавањето на силно кафе не му дава на вкусот доминација, туку рамнотежа: горчливата нота ја истакнува чоколадната длабочина и совршено ја заокружува сладоста. Уште еден трик? Тестото мора да отстои. Идеално, треба да отстои 12 часа во фрижидер, а ако брзате – половина час во замрзнувачот ќе послужи како добра замена.
Состојки:
200 г темно чоколадо (60–70% какао)
150 г путер
2–3 лажици силно црно кафе или еден шот еспресо (30 мл)
½ лажичка сол
120 г бел шеќер
120 г кафеав шеќер
3 јајца
100 г обично брашно
50 г какао
100 г сечкано чоколадо (или по желба – лешници, бадеми, малини…)
Подготовка:
Растопете го чоколадото, путерот, солта и кафето на тивок оган, внимавајќи да не зоврие. Оставете да се олади.
Во друг сад, изматете ги јајцата и двата шеќери со миксер додека смесата не стане густа, лесна и речиси двојно зголемена во волумен – повеќе не треба да чувствувате никакви кристали од шеќер под прстите.
Лесно измешајте го растопеното чоколадо во изматените јајца, користејќи шпатула.
Додајте го просеаното брашно и какаото, нежно соединете, без мешање.
Додадете дополнително чоколадо, јаткасти плодови или овошје по желба.
Истурете во калап, покријте со фолија и оставете во фрижидер 12 часа (или во замрзнувач 30 минути ако сте нетрпеливи како нас).
Печете во претходно загреана рерна на 175°C околу 25 минути – рабовите треба да бидат цврсти, но средината треба да биде мека.
Оставете ги целосно да се изладат пред да ги исечете.
Совршени со топка сладолед, шолја кафе – или само сами. Бидејќи кога се толку добри, не е потребно ништо повеќе.