Полентата е едноставно и традиционално јадење, но вистинските трикови при подготовка можат да го подобрат нејзиниот вкус и текстура, правејќи ја покремаста и повкусна.
Пченкарното брашно, главната состојка во полентата, е богато со витамини и минерали, особено железо, кое помага во создавањето хемоглобин. Освен што го зајакнува имунитетот, полентата може да придонесе и за здравјето на срцето и одржувањето на нормален крвен притисок, поради што има посебно место меѓу хранливите и едноставни јадења.
Иако многумина ја избираат инстант полентата поради нејзината практичност и брзина, нејзината арома и текстура ретко можат да се споредат со онаа подготвена на традиционален начин, што бара трпение и внимателно готвење.
Малите тајни прават разлика – наместо да ја готвите само во вода, обидете се да користите пилешка или зеленчукова супа, што ѝ дава многу подобар вкус.
Сепак, тајната за совршено кремаста и вкусна полента често лежи во едноставен додаток кој често се заборава – путерот. Таа ѝ дава на полентата богата арома и мазна, мека текстура, додека без него јадењето може да биде суво и помалку привлечно по вкус.