Кремастата паста со лосос е лесна за подготовка, а ова хранливо јадење нема да бара многу труд и лесно може да се подготви за време на напорна работна недела.
Овој рецепт ја комбинира богатството на кремастиот сос со свежината на лимонот и копарот. Вкусовите се лесни и избалансирани, а комбинацијата од грашок, копар и лимон особено го нагласува вкусот на лососот, пишува Real Simple.
Потребни состојки:
450 грама филе од лосос, една лажица сол, 340 грама паста, две лажици маслиново масло, четири чешниња лук, една чаша павлака за готвење, една чаша рендана кора од лимон, две лажици сок од лимон, 50 грама рендан пармезан, две лажици свежо сечкан копар, една чаша одмрзнат сладок грашок
Подготовка:
Загрејте ја рерната на 220 степени. Поставете плех за печење хартија за печење, а потоа зовријте солена вода во голем сад. Ставете го лососот на подготвениот плех за печење и зачинете со сол. Печете околу 10 минути, додека месото не стане непроѕирно и лесно да се лупи со лажица. Во меѓувреме, гответе ги тестенините. Исцедете, задржувајќи околу 2,5 дл од водата за готвење.
Загрејте го маслото и лукот на средна температура околу две минути. Додадете ја павлаката и загревајте ја лесно. Потоа тргнете од оган и додадете го сокот од лимон додека сосот не се соедини и малку не се згусне. Додадете го пармезанот, копарот, кората од лимон и преостанатата сол и добро измешајте.
Додајте ги тестенините и грашокот во сосот и промешајте. Доколку е потребно, додадете повеќе вода од тестенините за да ја постигнете саканата густина. Скршете го лососот на помали парчиња и нежно измешајте го со тестенините. Сервирајте со дополнителен пармезан и копар. Можете да го испечете лососот претходниот ден и да го додадете во јадењето пред сервирање. Чувајте ги остатоците во фрижидер до два дена во затворен сад. При повторно загревање, додадете малку вода или павлака.