Актерот Меколи Калкин, кој ја играше улогата на Кевин во филмот „Сам дома“, се збогува со актерката Кетрин О’Хара која почина вчера, а ја играше неговата мајка во култниот божиќен филм.
- Мамо. Мислев дека имаме време. Сакав повеќе време. Сакав да седнам до тебе во фотелјата. Те слушав, но имав уште многу да ти кажам. Те сакам. Ќе се видиме подоцна – напиша актерот скршен од смртта на актерката која ја сметаше за мајчинска фигура дури и надвор од екранот.
Тој ја објави изјавата со две фотографии, едната од филмот, а другата од децении подоцна, во 2023 година.
Калкин често велеше дека снимањето на „Сам дома“ е само почеток на искреното пријателство меѓу него и Кетрин, а таа беше присутна во декември 2023 година, кога тој доби ѕвезда на Холивудската патека на славните.
