Овие мали бобинки можеби кријат голема тајна за зачувување на нашите умови и тела во иднина!
Ова одлично овошје е многу здраво, но не се зборува за него толку колку што треба!
Мало, но моќно овошје – брусницата, може да го држи клучот за зачувување на меморијата и спречување на деменција! Истражувачи од британскиот универзитет во Источна Англија откриле дека дневната консумација на брусница може да биде клучот за подобрување на меморијата. Исто така, за забавување на развојот на деменција, па дури и за намалување на „лошиот“ холестерол, пишува b92.net.
Студијата следела 60 здрави испитаници во текот на 12 недели. За време на студијата, половина од нив консумирале прав од брусница дневно, додека другата половина добивале плацебо. Резултатите биле изненадувачки. Испитаниците кои консумирале брусница покажале значителни подобрувања во меморијата за секојдневните настани, а исто така имале и подобра циркулација на крвта во мозокот, па дури и намалување на нивото на „лош“ холестерол.
Д-р Дејвид Возур, водечки автор на студијата, истакнува дека ова е една од првите студии што го истражува долгорочното влијание на брусницата врз когнитивните способности и здравјето на мозокот. Резултатите биле многу охрабрувачки. Тие можат да послужат како основа за идни истражувања за влијанието на брусницата и сличните бобинки врз здравјето на мозокот.
Брусницата е позната по својата моќ да се бори против слободните радикали во телото, благодарение на антиоксидансите како што се витамините Ц и Е, како и флавоноидите. Покрај тоа, таа е богата со растителни влакна, кои можат да помогнат во промовирањето на здраво варење и одржувањето на здрав уринарен тракт.
Овие мали бобинки може да кријат голема тајна за зачувување на нашите умови и тела во иднина!