Здравиот дигестивен систем е неопходен за целокупното здравје, а одредени витамини можат да помогнат во олеснувањето на варењето и да ја поддржат функцијата на цревата.
Витаминот Б1 (тиамин) помага во претворањето на храната во енергија, особено јаглехидрати, и го поддржува метаболизмот. Неговиот недостаток може да предизвика замор и лошо варење.
Витаминот Б3 (ниацин) ги поддржува ензимите кои ги разградуваат мастите и протеините и го одржува здравјето на слузницата на дигестивниот тракт.
Витаминот Б6 (пиридоксин) учествува во метаболизмот на аминокиселините и помага во варењето и апсорпцијата на хранливите материи.
Витаминот Ц помага во апсорпцијата на железото и другите хранливи материи, со што индиректно го поддржува варењето.
Витаминот Д влијае на имунитетот и здравјето на цревната флора, намалувајќи го ризикот од воспалителни состојби во цревата.
Експертите препорачуваат консумирање на овие витамини преку балансирана исхрана богата со овошје, зеленчук, житарки и протеини, а додатоците во исхраната може да се користат доколку е потребно во консултација со лекар или нутриционист.