Ги знаете оние кифли што само нашите баби знаеја како да ги направат, кои остануваат толку меки со денови и за кои чувствуваме дека можеме да ги јадеме солени и слатки цел ден…?
Популарно се нарекуваат памук кифли и не е ни чудо што рецептот за нив е еден од најбараните на Google.
Состојки:
- 900 г брашно тип 500
- 1 кесичка сув квасец (7 г)
- 2 јајца
- 400 мл топло млеко
- 180 мл масло
- 1 лажица шеќер (за слатки можете да ставите две)
- 1 лажичка сол
Подготовка:
Во сад ставете топло млеко, а потоа масло, две белки од јајца, една лажица шеќер и една кесичка сув квасец, па измешајте.
Постепено додавајте еден дел од брашното и една лажичка сол и месете додека го додавате остатокот од брашното. На набрашнета работна површина месете го тестото, додавајќи брашно по потреба. Ставете го намастеното тесто во намастен сад, покријте го со пластична фолија и оставете го на топло место да нарасне. Најдобро би било тестото да се остави околу еден и пол до два часа.
Потоа префрлете го тестото на набрашнета површина и исечете го на помали парчиња. Развлечете го во квадратна форма со сукало и наполнете го со вашиот омилен фил. Завиткајте ги ролатите и тие се готови за печење.