Српскиот модел Тијана Милошевиќ почина во 30-тата година од животот. Познатиот модел на агенцијтаа “Модел тату” имала снимено голем број на реклами и била многу успешна во својата работа. По четири дена борба за живот, ја изгубила битката и починала од сепса. “Познато ми е дека Тијана почина од сепса. Четири дена се борела за својот живот. Трагедијата е голема и нејзиното семејство е во агонија, особено зошто беше млада и оставила сопруг и мало дете зад себе”, изјавила сопственичката на модната агенција “Модел тату “.
Таа додала дека Тијана била многу успешна во својата работа и важела за вистински професионалец. Нејзиниот сопруг, Милан исцрпен од ситуацијата изјавил, Тијана ништо не може да ја врати. “Не ми е јасно зошто сега се зборува и пишува за тоа дали некој е виновен за нејзината смрт или не. Сега што и да напишете, не можете да ја вратите”, изјавил потресен Милан. Никој не сакал да коментира за тоа како Тијана добила сепса, но некои српски медиуми пишуваат дека тоа се случило откако посетила заболекар.