Токио – директорот на нуклеарната централа во Фукушима, Масао Јошида се повлекол од должноста поради болест, изјавиле официјалните лица од централата, без објаснување дали болеста е предизвикана од радијацијата.
„Не можеме да ви откриеме детали за болеста на директорот, тоа се приватни работи“, изјавил портпаролот на елктродистрибуцијата на Токио.
Инаку, Јошида се наоѓал на местото на несреќата во Фукушима во март оваа година, кога земјотресот и цунамито ја оштетија нуклеарната централа. Јавноста во Јапонија се уште е загрижена за можните последици од најголемата нуклеарна катастрофа по Чернобил.