Актерката Тори Спелинг, која своето трето дете го родила пред еден месец, покажала како има смисол на хумор.
На нејзината веб-страница објавила фотографија од својата ќерка Хети облечена како мисирка. Под сликата напишала: “ОK, оваа мисирка не е за јадење, но ако имате дете дома, ова е забавен проект што можете да го направите за Денот на благодарноста, потоа сето тоа да го фотографирате и да направите интересна архива. Вашите постари деца ќе бидат воодушевени што можеле да им помогнат на мама и тато да направат нешто за најмалото дете во куќата. ”
Покрај Хети, Тори и нејзиниот сопруг Дин Мекдермот имаат уште две постари деца. Тори неодамна изјавила дека би сакала да има уште едно дете.