Девојчињата уште од многу мали сонуваат за својата венчавка , а најмногу за невестинскиот фустан кој вообичаено е во бела боја или во некоја нежна нијанса на светлите бои.
Дека може да има отстапки од ова правило е визијата за невести од иднината на познатата креаторка Вера Ванг која со години ги креира невестинските фустани на најпознатите од шоу бизнисот и на најбогатите во светот. Последната колекција на невестински фустани на Вера Ванг е шокантна не толку од формата и дизајнот на фустаните туку поради бојата , Вера ги замислува невестите од иднината во црна боја. За да не бидат разочарани останатите кои што сакаат да бидат традиционални невести, Вера им понуди и фустани кои се во боја на кожа.
Е па идни невести доколку немате храброст да ја изберете црната боја за вашиот невестински фустан , искористете ги моделите на понудените фустани, а доколку некој има смелост да носи ваков фустан на сопствената свадба нека не му биде грижа за коментарите на бабите и тетките.
