Храната влијае на нашето здравје и на нашиот изглед, а тоа подразбира и дека храната влијае на изгледот на нашата коса. Зимно време воздухот е сув, што може многу да и наштети на косата, и покрај сите препарати за нега кои ги користиме. Еве неколку намирници кои ќе ви помогнат да го зачувате убавиот и сјаен изглед на вашата коса:
Месо и млечни производи: Истражувањата покажаа дека конзумирањето на протеини, кои ги има во месото и млечните производи, помагаат во растот на косата и зачувување на нејзиниот сјај и волумен.
Риба: Храната богата со Омега 3 масни киселини ги завцрстува и регенерира влакната и ја одржува цврстината на вашата коса.
Јаткасти плодови: Јаткасти плодови, како и рибата, содржат омега 3 масни киселини кои помагаат за зачувување на здравјето на вашата коса. Тука спаѓааат бадемите, лешниците, ф‘стаците, оревите, костените, индиските ореви и др.
Витамин Б: Витаминот Б е клучен за заштита и забрзување на растот на косата. Може да го најдете во гравот, леќата, грашок, јајцата, карфиолот, морковот и цитрусните овошја.
Спанаќ, суво овошје и џигер: Овие три вида на храна се најбогати со железо, кое го помага зацврстувањето на косата, бидејќи ослабнувањето на влакното на косата е знак дека имате недостиг на железо во организмот.