Бендот на интернет објави две нови песни, кои не се објавени во албумот “Death Magnetic”.
Песните “Hate Train” и “Just A Bullet Away”, се снимени додека беше во тек изработката на деветтиот студиски албум на бендот во 2008 година “Death Magnetic”, но на крај не влегоа во финалниот список на песни. Се претпоставува дека и двете песни ќе бидат дел од новиот ЕП кој ќе биде објавен под наслов “Beyond Magnetic”. Засега останува непознато кога ЕП ќе биде издаден и колку песни ќе содржи.
Металика најави дека ќе настапи на Download Фестивалот следното лето, а исто така ќе одржи и неколку концерти низ Европа. Бендот ќе ги изведе песните од својот петти албум насловен “The Black Album”. Менаџерот на бендот Клиф Бурнстеин, исто така, најави дека Металика планира во блиска иднина да одржи голем број на концерти низ Европа.
http://www.youtube.com/watch?v=d1mRQXRsQao&feature=player_embedded
http://www.youtube.com/watch?v=8Kvqn7VOex8&feature=player_embedded