Домашно приготвената маска за коса што ја препорачува Викторија Бекам е наменета за регенерација на косата, особено за жени како неа, кои многу често термички ја обликуваат својата коса. Редовната употреба на оваа маска ќе ја направи вашата коса убава и здрава.
Потребните намирници за приготвување на оваа маска се една лажица мед, една лажица сок од алое, една жолчка од јајце и една половина меко авокадо. Најпрво авокадото се обработува во блендер, а после тоа се додаваат и останатите компоненти. Оставете ја маската да делува околу половина час, а потоа исплакнете обилно со вода. После тоа се мие косата на вообичаениот начин.