Sky Drive, кој до неодамна беше достапен само преку веб или преку Windows Phone апликациите, сега е достапен и на iPhone.
Оваа апликација им овозможува на корисниците можност да аплоудираат свои документи, фотографии, видео записи и покасно да им пристапат од било кој уред и да ги споделуваат.
Корисниците кои го инсталираат добиваат 25 гигабајти бесплатен простор за складирање, а во официјалниот опис на апликацијата на iTunes, од Microsoft кажуваат дека е неопходно да се има уред кој работи најмалку на iOS 4.
Microsoft пред оваа ја претстави и новата верзија на OneNote апликацијата за iOS, посебно прилагодена за iPad, а порталот CNet ги нуди можните причини поради кои, како што они викаат, Microsoft одеднаш сака да го види својот софтвер на iPad.
Како причина се наведува фактот дека Microsoft сфаќа дека веќе не доминира во светот на компјутерите, особено во мобилните, а другата причина е дека пред се како софтверски производител сака своите апликации да ги има на сите видови уреди.