Иако компанијата сеуште не се наоѓа на берзата, резултатите од работењето не се соопштуваат јавно, сајтот Gawker ја пренесува информацијата за заработката од извори запознаени со финансиите на Facebook.
Според нивните наоди, компанијата од Пало Ато оваа година ќе генерира 4 милијарди долари приход и 2 милијарди EBIDTA приход (профит пред одземање на каматите, данокот на добивка и амортизација).
Приходите во првите три квартали изнесуваат 2,5 милијарди долари.
Чист профит во оваа година, Facebook би требало да има околу милијарда долари, пишува Gawker, што е за 4 пати повеќе од она што Facebook, исто така неофицијално, го заработи пред 2 години.
Тоа и понатаму е помалку од приходите на Google или Apple, но подобро од некои компании кои работат многу подолго, како што се Yahoo, AMD или Adobe, пишува Gawker.