Потребни состојки:
500 гр. шеќер
5 дл. вода
100 гр. чоколадо
250 гр. маргарин
1 ванилин шеќер
4 лажици брашно
1 рендана кора од портокал
1 пакување обланди
Припрема:
Во 1 децилитар ладна вода додадете го брашното и ванилиниот шеќер и добро промешајте. Шеќерот истопете го во тенџере на оган за да добиете карамела, но внимавајте да не изгори.
Тргнете го тенџерето со шеќерот од оган и додадете 4 децилитри вода, маргаринот и чоколадото, па вратете го на тивок оган и варете се додека смесата не проврие. Додадете го брашното и гответе уште 3 минути.
Додадете рендана кора од портокал, па тргнете го филот од оган и оставете го да се излади. Потоа изматете со миксер за да добиете хомогена смеса.
Намачкајте ги обландите со филот и притиснете ги со чинија за да се залепат. Ставете ги во фрижидер пред послужување најмалку еден час. Добар апетит!