Лошата финансиска состојба, вестите за злосторствата, негативните прогнози, сетоа тоа влијае врз расположението на луѓето, покажало едно истражување спороведено на 13.000 лица.
Денешниот ден е најдепресивниот во годината, процениле експертите.
„откритието дека денешниот ден е најдепресивен во годината е само уште една негативност со која се соочуваме. Но, на тоа треба да гледаме како на временска прогноза. Ако знаете дека ќе врне дожд, ќе земете чадор. Затоа, знаејќи ја оваа информација направете се за да го подобрите своето расположение“, изјавил Џон Коусинс, основач на интернет страница за борба против депресијата.
Минатата година на овој датум 21% од луѓето одговориле дека се чувствуваат позитивно. За најсреќен ден ќе треба да го почекаме август според ова истражување, во кое се наведува дека над 50% од луѓето на 27 август одговориле дека се чувствуваат среќно.