Актерката Анџелина Џоли изјави дека режијата на филмот “Во земјата на крв и мед”, само ја унапреди нејзината кариера.
Холивудската ѕвезда за весникот “New York Times”, изјави дека снимањето на филмот за војната во Босна го гледа како свое унапредување и одење еден чекор понапред во кариерата и во својата работа како Амбасадор на добрата волја во Обединетите Нации.
“Како актерка навистина се забавувам. Ова е многу забавна работа и за мене големо искуство, но моите интереси се прашањата од надворешната политика. Таму е моето срце”, објасни актерката.
“Да се биде во можност да се комбинираат своите интереси и да се биде дел од меѓународните односи на таков начин, да работите на ваков проект, за мене претставува личен напредок”, додаде Џоли.