Во музејот Прадо во Мадрид откриена е сликата за која се верува дека е првата реплика на Мона Лиза која ја има насликано ученикот на Леонардо да Винчи. Експертите се надеваат дека со анализа на оваа копија ќе може да стигнат до повеќе детали за мистериозниот модел и експресијата на лицето на познатата Мона Лиза.
Оригиналната слика Мона Лиза која се наоѓа во музејот Лувр, Париз, е премногу осетлива за да се прават на неа било какви анализи. Староста на платното не дозволува експериментирање. Славната слика е насликана меѓу 1503 и 1506 година.