Потребни состојки:
50 гр. путер
1 стапче ванила
3 шољи ориз
150 мл. бело вино
600 мл. млеко
100 гр. бела чоколада
Шеќер по желба
Припрема:
Растопете го путерот во тавче, пресечете го стапчето ванила по должина и истругајте ги семките одвнатре, па ставете ги во тавата и пропржете ги за путерот да добие убава арома. Може да додадете и малку цимет.
Додадете го оризот, виното и млекото и гответе на умерена температура со често мешање. Кога течноста ќе испари додавајте по малку млеко се додека оризот целосно не се свари. Потоа додадете шеќер по желба и оставете го да се растопи.
Додадете го белото чоколадо искршено на коцки, промешајте и сипете во чинии за сервирање. Одозгора може да изрендате и црна чоколада. Добар апетит!