Холивудската актерка и новопечената режисерка Angelina Jolie ја демантираше веста дека Република Српска не сака да го прикаже филмот, но бесот кој владее во оваа земја сеуште не стивнува.
Поради тоа, режисерското деби на Angelina “Во земјата на крв и мед“, не е добредојден во тамошните киносали.
“Кој ќе го гледа овде, кој?! Филмот на Angelina нема да се прикажува во Република Српска, исто како и филмовите на Emir Kusturica кои не се прикажуваат во Сараево. Го гледав и можам да кажам дека е ’обично ѓубре’”, изјави Vladimir Ljevar, сопственик и директор на една од киносалите во Бања Лука.
Нема никаква официјална информација дека филмот “Во земјата на крв и мед“ е забранет во Република Српска, но со сигурност може да се потврди дека нема да започне да се прикажува на 16 февруари, како и во други градови во Босна и Херцеговина.