Melkus Sportwagen GmbH можеби и не е најпопуларниот производител на автомобили во светот денес, но сепак, германскиот бренд знае по нешто за градење на лесни спортски автомобили. Моделот Melkus ќе биде претставен во две нови верзии, односно RS2000 GT и GTS.
RS2000 GT е придвижуван од 2,0-литарски турбо мотор со четири цилиндри кој произведува 300 коњски сили, додека моделот GTS доаѓа со 2,0-литарски турбо мотор кој доаѓа со 350 коњски сили. Со овие перформанси RS2000 GT забрзува од 0-100 км/ч во време од 4,5 секунди, додека RS2000 GTS постигнува за 3,9 секунди.
Според германскиот бренд и GT и GTS ќе бидат спакувани со прилагодлив систем за суспензија, лесна каросерија со високо перформансен систем за сопирање. Во меѓувреме, моделот GTS ќе дојде со голем број на материјали од висок профил, вклучувајќи и карбон-фибер елементи на предниот спојлер и задните крила, како и кај ентериерот.
