Холивудкиот заводник открива дека понекогаш се чувствува многу осамено, поради што навечер неможе да спие.
Џорџ Клуни на спиење заминува околу десет навечер, а ноќе се буди најмалку пет пати.
-Секој би лажел ако каже дека понекогаш не се чувствува осамено. Најчесто најосамено се чувствувате на јавни места. Ќе отидете некаде и ќе бидете затворено во себе, бидејќи тоа им се случува на сите и на крајот нема да уживате како останатите, вели актерот.
Додава дека најосамен бил во лошите врски и заклучил дека не постои ништо што човек може толку да го изолира.
Клини, кој еднаш беше во брак и од тогаш бега од влегување во брачни води, не сакал да разговара за моменталната врска со Стејси Кејблер. Но, признава дека и тој самиот во врските бил осамен и измамен, а зборувал и за консумирање на дрога и алкохол.
-Понекогаш пијам премногу. Уживам во тоа, но имаше моменти кога ја поминував границата од забава до претерано опивање без никаква причина. Затоа тогаш престанувам, признава Клуни и додава дека не пиел од новогодишната ноќ.
Како помлад пробал кокаин, но тврди дека од тоа брзо се откажал, бидејќи “шмркањето ни најмалку не го подигнало”.