Наташа Беквалац на белградскиот аеродром ја пречека својата сестра Кристина која штотуку се врати од снимање на реалното шоу VIP Survivor во Костарика.
Пејачката, заедно со ќеркичката Хана и внуката Петра ја дочека својата сестра која помина месец и половина на Костарика.
Кристина не можеше да ги сокрие солзите кога ја гушна својата ќерка, а ја искористи приликата и да ја запознае Наташа со Никола, со кого започна врска за време на снимањето на реалното шоу.
„Ние сме супер другари. Со четири момци навистина се спријателив“, одговорила Кристина на прашањето дали таа и Никола се во љубовна врска.
Со Кристина и Никола се врати и Милан Громилиќ, а на аеродромот ги дочека Владимир Вуксановиќ, исто така учесник на Survivor, кој во Белград се врати пред два дена.