Креативните методи за создавање на една совршена женска силуета најпрво ги забележавме во колекциите на големите имиња во модата. Ексцентричен, но истовремено нежен ефект – „металниот сјај“ го видовме во ревијата на Шанел за пролет 2012, а подоцна и во многу други. Основните нијанси се златно и сребрено, но не се исклучени и другите бои со висок сјај. Секако овде станува збор за вечерна комбинација, а вечерта дозволува и ваков смел избор кој нема да остане незабележан. Истиот тренд може да се види и кај аксесоарите.
